ЕТНОГРАФИЈА НА МАРГИНИТЕ: СОЦИЈАЛНАТА ПОЛИТИКА И ПЕЈЗАЖИТЕ НА СОЛИДАРНОСТ ВО ЕДЕН ГРАД ВО СЕВЕРНА ГРЦИЈА

Abstract

Бездомништвото често се третира како трауматска ситуација, неизбежна состојба, крајно лишување од хуманост и социјалност. Бездомниците доживуваат гол живот, животи лишени од човечките квалитети и бескрајно трауматична ситуација. Моето етнографско истражување се фокусира на повеќекратните стратегии на бездомниците, на пример, како овие луѓе го организираат својот заеднички живот во домот за бездомници и како го одомашуваат неодомашениот простор за да создадат подносливи услови, а на животот да му дадат значење. Емоционализирањето на просторот и присвојувањето на просторот ќе бидат разгледани како механизми што се користат за постигнување стабилност, безбедност и постојани идентитети. Појавата на солидарноста добива клучна улога во дискусијата што следи. Така, меѓусебното разбирање и прифаќање се клучните поими истражени во текстот што водат кон похолистичко, помалку пристрасно и подинамично разбирање на ситуацијата со бездомниците.