МИГРАЦИЈАТА ОД МЕКСИКО КОН СОЕДИНЕТИТЕ АМЕРИКАНСКИ ДРЖАВИ: ДИМЕНЗИИ И ПЕРСПЕКТИВИ

Abstract

Миграциските текови во Америка се засилени во последните декади, особено оние од Јужна Америка кон Северна Америка. Во Америка се случуваат најголемите миграциски текови во светски рамки. Додека Мексико е најголемиот извозник на мигранти, Соединетите Американски Држави се најголемиот примател на мигранти во светот. Најголемиот дел од современата миграција кон Соединетите Американски Држави е недокументирана и скриена, што создава ризици како за мигрантите така и за земјата што ги прима бидејќи границите стануваат порозни. Миграциските текови најчесто се поврзани со економските фактори, географската близина и дисбалансот во платите меѓу Соединетите Американски Држави и земјите од Латинска Америка. За да се реши овој проблем, потребна е соработка меѓу земјите што даваат и земјите што примаат мигранти преку мултилатерален договор што ќе ги регулира тековите на мигрантите за да одговараат на потребите од работна сила во Соединетите Американски Држави, особено во земјоделскиот сектор и во секторот за нископлатени услуги.