УЛОГАТА НА ЖЕНИТЕ ВО СВАДБАТА ЕТНОГРАФИЈА НА ЖЕНСКАТА ОБРЕДНОСТ ВО ЗАЕДНИЦАТА РАЈПУТ ВО ПЕНЏАБ, ПАКИСТАН

Abstract

Кај заедницата Рајпут свадбените церемонии се состојат од процедури и настани што се спроведуваат преку обредите. Овие обреди содржат симболички значења и симболички репрезентации за луѓето што ги практикуваат и поддржуваат. Овој текст етнографски ја претставува свадбената церемонија заедно со обредите што се практикуваат во заедницата Рајпут од еден мал град во централен Пенџаб (Пакистан). Истражувањето претставува квалитативна студија каде што како главни алатки за собирање податоци се искористени набљудувањето со учество и длабинското интервју. Истражувањето открива дека одредени обреди што се изведуваат за време на свадбата имаат две главни функции. Покрај забавата и празнувањето, овие обреди ги продуцираат, репродуцираат и ги засилуваат стереотипните улоги на жените во рамките на заедницата. Истовремено овие обреди им помагаат на младенците во процесот на трансформација на нивните статуси преку претставување на нивните нови улоги и очекувања како сопруг и сопруга.