УПОТРЕБАТА НА КАМЕРАТА ПРИ ЕТНОЛОШКИТЕ ТЕРЕНСКИ ИСТРАЖУВАЊА ВО МАКЕДОНИЈА

Апстракт

Визуелнотo регистрирање на човековотo однесување со камера во Македонија започнало на почетокот на 20 век. Етнолозите интересот кон камера- та го покажале во средината на минатиот век со производство на првите етнолошки документарни филмови и со првите обиди за теренско истражување со камера кон крајот на шеесеттите години на 20 век. Употребата на камерата при теренските истражувања кај актуелните генерации македонски етнолози е сѐ уште на ниско ниво. Во текстот го претставувам личното искуство од работата со камера при етнолошките теренски истражувања, пред сѐ, на нематеријалното културно наследство.