ИНТЕГРАЦИЈА И/ИЛИ РЕИНТЕГРАЦИЈА НА ВНАТРЕШНО РАСЕЛЕНИ ЛИЦА ОД ВОЕНИОТ КОНФЛИКТ ВО РЕПУБЛИКА МАКЕДОНИЈА ОД 2001 ГОДИНА

Abstract

По конфликтот од 2001 година во Р Македонија, од некогашните 76 000 внатрешно раселени лица (ВРЛ) останаа само околу 600, кои денес се сместени во колективни центри, но и во приватни станови. Исто така важно прашање, а можеби и клучно е дали оние што се вратиле се сè уште во своите домови. Под процес на реинтеграција обично се подразбира создавање на услови за нормално живеење и постепено вклучување на лицата што се вратиле во сите сфери на живеење во старото место. Останувањето подолго време на „туѓа“ територија неизбежно носи про- мени во идентитетот и идентификацијата на ВРЛ, промени во перцепциите на ВРЛ кон новата средина, но и промена на индивидуалните, колективните и јавните дискурси за ВРЛ.