УРБАНО-РУРАЛНИТЕ ВРСКИ ВО СРОДНИЧКИТЕ ОДНОСИ (на примери на македонски миграциски семејства)

Abstract

Процесот на урбанизација, покрај низата фактори кои обично се
подразбираат, а кои се однесуваат на надворешниот изглед на просторот (населба, град) и на збирот хигиенски елементи, се манифестира и преку интензивните миграции на селското население, а со тоа и во радикалната трансформација на селото и на земјоделството (И. Ацески, 1996: 40).
Социјалистичкиот период со неговата индустријализација и
модернизација, со севкупните општествено-економски промени,
произведуваше очигледни новини. Индустријализацијата, како и секаде
така и во Македонија, предизвика коренити промени на селото и кај
селанството, од кои најважни се масовното напуштање на селото и на
земјоделството и распаѓање на (дотогашниот) традиционалниот начин на живот.