СЕЛСКИОТ ТЕАТАР ОД ВЕНГАЈТИ (Teatr Wiejski Węgajty): ПАТУВАЧКИ ТЕАТАР, УРБАНО И РУРАЛНО

Abstract

Во текстот се анализираат сфаќањата за руралното и урбаното во мо- дерна Полска врз основа на истражувањата на работата на Селскиот театар во Вен- гајти (Teatr Wiejski Węgajty), мала патувачка театарска дружина во северна Полска, со цел да се види како неговата работа влијае врз создавање тензии во сфаќањата за руралното и урбаното помеѓу учесниците во групата и публиката. Во текстот се истражува како, низ употреба на различни аспекти на традиционални форми и техни- ки на селски театар, се привлекуваат граѓаните што се заинтересирани за остварување контакти со селската култура и како овој контакт може многу да се разликува од перцепциите и погледите на жителите во селата.