ТЕОЛОШКИ, УМЕТНИЧКИ И ЕТНОЛОШКИ АСПЕКТИ НА ЛИКОТ НА СВ. ЈОВАН КРСТИТЕЛ

Апстракт

Богојавление или Водици (19/6 јануари), денот на Исусовото крштевање, по кој следи празникот посветен на св. Јован Крстител (Собор на св. Јован), е еден од најзначајните празници во верскиот и народниот календар на Македонците. Тема на овој текст се двата клучни елемента поврзани со празникот - крштевањето и ликот на Крстителот, анализирани низ неколку поврзани, но не и идентични рамништа: теолошкото, уметничкото (и тоа преку анализа на разликите во прикажувањето и сфаќањето на горенаведените  елементи во западната уметност и во византиското сликарство, на примери од Македонија) и рамништето на народната, пред сé македонската, култура.