ФУНКЦИИТЕ НА ФОЛКЛОРОТ ВО ЛЕГЕНДИТЕ (ПРИКАЗНИ СО ХРИСТИЈАНСКА СОДРЖИНА)

Апстракт

Текстот се однесува на функциите на фолклорот што се забележливи во словенечките приказни со христијанска содржина. Анализата се однесува на збирката од 155 словенечки легенди за св. Петар, собрани на територијата на етничка Словенија. Во собраниот материјал можат да се најдат сите четири основни функции на фолклорот според Баском (W. Bascom). Нагласена е едукативната/педагошката функција иако таа се испреплетува со другите функции, особено со функцијата на одржување на потчинувањето кон прифатените обрасци на однесување. Исто така, се покажуваат и функцијата на легализација, функцијата на потврдување на културата и функцијата на оправдување на обредите и институциите на културата со оглед на тоа што тие подразбираат модели на однесување што се прифатени или се пожелни во словенечката култура.