НЕДОСТАТОК НА ПОДДРЖУВАЧКА ОКОЛИНА ЗА КУЛТУРЕН АКТИВИЗАМ

Апстракт

Недостатокот на квалитетни културни активности од почетокот на тран- зиција во Македонија почна да се надополнува со појавата на формално и нефор- мално регистрирани здруженија на граѓани кои преку активности од областа на културата настојуваа да создадат конструктивни системи на вредности. Вредности- те што тие ги генерираа образуваа повеќе генерации млади луѓе израснати во опш- тествена транзиција, но не успеаја да се изборат за простор во новосоздаденото па- зарно општество. Денес, кога во Македонија се прават обиди да се прогласи офи- цијален крај на периодот на транзиција, се чини дека неолибералните политики ги прегазија граѓанските иницијативи во културата и не оставија простор за исполну- вање на културните потреби на сите групи граѓани.