ЕКОНОМИИ СО СЕКСУАЛНОСТА: ПОЛОВИОТ/РОДОВИОТ ИДЕНТИТЕТ ЗА КОРИС(Т) КАЈ РОМИТЕ „ЖЕНИ“, СЕКСУАЛНИ РАБОТНИЧКИ ВО СКОПЈЕ

Апстракт

Во овој текст се занимаваме со локалниот полов/родов систем и половиот/родовиот идентитет за корист на Ромите „жени“ во ромската заедница во Скопје. Станува збор за локална концепција во која Роми родени како биолошки мажи, сакајќи да заработат за своите семејства, работат сексуална работа како „жени“ на „отворените“ и „затворените сцени“ во Скопје, Македонија и во Европа. Идејата дека сексуалноста може да биде искористена да се продава како услуга и од тоа да се заработува претставува една од важните причини да се одржува нивниот полов/родов идентитет и како „жени“ во рамките на локалниот економски систем на Ромите геј – „сексуални работнички“, низ сродничкиот систем „сестри“ во ромската заедница во Скопје.