ОБИДИ ЗА ГРАДЕЊЕ ОДРЖЛИВ ЖИВОТ ВО РУРАЛНИТЕ ОБЛАСТИ. ПРИМЕРОТ СО ПРЕЗИДИУМИТЕ НА СЛОУ ФУД

Апстракт

Целта на оваа статија е да го набљудува начинот на кој се имплементираат глобалните идеи на движењето Слоу фуд (Slow Food movement) за одржливост и зачувување на биодиверзитетот на храната на локално ниво. Студијата испитува различни модели и стратегии на животни стилови во руралните средини, како што се традиционалните начини на производство на храна и алтернативниот туризам, фокусирајќи се на улогата на семејството во процесот на основање, имплементација и нивно одржување. Претставени се перцепциите на локалното население во врска со идеите на Слоу фуд и локалните производи. Од суштинско значење за создавање одржливи стратегии на живеење се личните ресурси, претприемачката визија и владините регулативи поврзани со традиционалната домашна храна.