ИМЕНСКАТА СИНТАГМА ВО ПЕРИФРАСТИЧНИТЕ ПРЕДИКАТИ ОД СИНТАКСИЧКИ И ОД СЕМАНТИЧКИ АСПЕКТ

Апстракт

Во овој труд се дискутира именската синтагма (ИС) во рамките на перифрастичните предикати (ПП) од синтаксички и од семантички аспект. Од синтаксичка гледна точка, со серија тестови и низ примери од англискиот и македонскиот јазик, се покажува дека ИС во ПП функционира како директен објект. Од друга страна, пак, иако номинализацијата во ПП може да се третира како nomen actionis, сепак се чини декa понекогаш има основа оваа именка да се категоризира како резултативна девербативна именка (т.е. именка која е поблиска до концептот nomen acti отколку до nomen actionis). Семантичката улога на аргументот во позиција на ДО ја обележуваме со терминот прото-трпител, но треба да се води сметка дека некои аргументи се поблиски, а други се подалечни од прототипот за трпител.