РУСИЈА ВО СИМБОЛИЧКО – МЕМОРИЈАЛНИТЕ ИНСКРИПЦИИ ВО МАКЕДОНСКИОТ УРБАН ПРОСТОР

Аннотация

Трудот се занимава со симболичко-меморијалните инскрипции во урбаниот простор, кои ја репрезентираат сликата за Русија во Македонија. Во овој контекст, зборуваме за имиња на улици, паркови, спомен обележја и т.н. кои практично го покажуваат начинот на кој руската историја и култура симболички се наративизира и интерпретира во македонската јавна сфера. Анализата на бројните податоци добиени како резултат на сопствени теренски истражувања на материјалните и нематеријалните манифестации во конкретниот домен, овозможува да се проследи интензитетот и присутноста на истите во просторот и истовремено дава свој придонес во меѓусебните преплетувања, како и во приближување на двете култури.