СИНТАКСИЧКАТА АНАЛИЗА НА СЛОЖЕНАТА РЕЧЕНИЦА ВО НОВИНАРСКИОТ ПОТСТИЛ НА СТАНДАРДНИОТ МАКЕДОНСКИ ЈАЗИК

Аннотация

Сложените реченици составени од три и повеќе предикативни јадра, односно дел-реченици (зависни и независни) што најчесто се среќаваат во новинарскиот потстил на македонскиот стандарден јазик, за секој проучувач на македонскиот јазик претставуваат вистински предизвик од гледна точка на нивната синтаксичка анализа. Оттука, целта на трудот е да се покаже дека при нивната синтаксичка анализа се јавуваат мноштво дилеми и дека таа, од гледна точка на „Синтаксата...“ на Минова-Ѓуркова, не може да се спроведе докрај. Истовремено, во трудот, се покажува дека во синтаксичката анализа на овие реченици, реконструкцијата и номинализацијата имаат многу важна улога.