Креирање политики за подобрување на пристапот до здравствените услуги на населението: Расчекор меѓу желбите и практичната примена

Abstract

Република Македонија од осамостојувањето во 1991 година негува социјален
здравствен систем кој е заснован врз начелата на сеопфатност, солидарност
и еднаквост. Здравствениот систем предоминантно се финансира преку
социјални придонеси од вработените граѓани, додека помал процент на
учество доаѓа преку централниот буџет. Примарна цел на ваквата организација
на здравствениот систем е да обезбеди целосна покриеност на населението
со здравствено осигурување преку рамномерна дистрибуција на товарот
во финансирањето низ различните слоеви население. Конечна цел е да се
заштитат граѓаните од дополнителни финансиски трошоци во моментот кога
ќе имаат потреба од здравствени услуги.