КАКО НЕШТАТА СТАНАА КОМПЛИЦИРАНИ? – Некои методолошки и етички прашања околу истражувањето на озборувањето

Abstract

Текстот претставува еден вид автоевалуација на користените методи при истражувањето на озборувањето, како и на етичките дилеми што тоа ги наметна. Претпоставката е дека веројатно никогаш нема да бидат поставени јасни професионални одредници кои треба да регулираат, нормираат и „правилно“ или „добро“ да нè воспитуваат и воведуваат во етнолошките и антрополошките истражувања, особено кога станува збор за истражувања на одредени сегменти од секојдневието како што е озборувањето. Оваа состојба, освен што подразбира и нуди некаква слобода, истовремено може да ја комплицира или проблематизира нашата научна работа.