Безбедносни импликации од Брегзит

Апстракт

Изминатата деценија Европската Унија се соочи со бројни превирања и кри-
зи кои директно влијаеја на нејзината стабилност и благосостојба. Почнувајќи од
конфликтите во Африка, економските кризи, неизвесноста околу партнерствата и
проширувањата, стабилноста на земјите од Западен Балкан, терористичките на-
пади во европските градови, сè до мигрантските и бегалските кризи. Овие комплек-
сни настани, доведоа до тензичност и поделеност во рамките на Унијата, пораст
на популистичките партии против ЕУ, а кулминираше со одлуката на Обединето-
то Кралство да ја напушти Унијата. Во изминатите години Европа важеше за нај-
развиениот облик на регионална интеграција на политички, економски и безбедно-
сен план, но настаните околу Брегзит го ставија под сомнеж единството и постое-
њето на Унијата. Овој историски преседан може да има домино-ефект и кај остана-
тите земји-членки на ЕУ и да го смени правецот на државите кон европската без-
бедност и одбрана. Во трудот ќе се анализираат загубите и придобивките на Вели-
ка Британија од членството во Унијата, како и актуелните и идните односи на
Британија со Европа и светот и можните импликации врз надворешната и безбед-
носната политика на Европската Унија.