ЧОВЕКОТ И СМИСЛАТА: КОН ЖИВОТОТ И ДЕЛОТО НА ПРОФ. Д-Р КОЛЕ ЈОВАНОВСКИ (1945 – 2020)

Апстракт

На 28 август 2020 година нашата филозофска заедница загуби еден од нејзините најистакнати членови – проф. д-р Коле Јовановски, редовен професор во пензија на Институтот за филозофија на Филозофскиот факултет, при Универзитетот „Св. Кирил и Методиј“ во Скопје. Професорот Јовановски зад себе остави мошне значајно филозофско наследство, особено во областите на филозофската антропологија, аксиологијата и филозофската терминологија. Неговите три најзначајни стручни книги се поврзани токму со овие филозофски дисциплини: Филозофска антропологија (2000 година), Филозофски речник (2002 година) и Проблемот на смислата (2005 година).