ПРЕДИЗВИЦИТЕ НА ГЛОБАЛИЗАЦИЈАТА И БЕЗБЕДНОСНИТЕ ИМПЛИКАЦИИ

Апстракт

Во овој труд насловен „Глобализација и безбедносни импликации“ се разгледуваат различни гледишта поврзани со глобализацијата. Акцентот е ставен на негативните последици од процесот на глобализација, почнувајќи од политичкиот, економскиот, безбедносниот, социјалниот и културниот аспект. Тие се издвоени и групирани за да го сочинуваат т.н. немилитарен аспект на безбедноста, кој се појавува во поново време, но има реални основи за понатамошен долгорочен развој. Истовремено, се посветува соодветно внимание и на глобализацијата како основен поим и на нејзините позитивни аспекти.