ПРОБЛЕМИ ПРИ ИНТЕРПРЕТИРАЊЕТО КОЛОКАЦИИ ОД МАКЕДОНСКИ НА АНГЛИСКИ И ОБРАТНО

Апстракт

Во овој труд се говори за особеноста на јазикот да пренесува информации и ова се поврзува со чинот на толкување, така што се објаснува толкувањето и се прави разлика меѓу консекутивното и симултаното толкување. Понатаму, се воведува концептот за колокации преку нивно дефинирање и класифицирање, а дадени се и примери за секој одделен вид колокација, со цел да се направи јасна разлика меѓу нив. Во трудот се поврзува правилната употреба на колокациите и подобрата компетентност на корисниците на јазици, клучна за толкувачите. Потоа е претставено и опфатено оригинално истражување спроведено со студенти по консекутивно и симултано толкување од македонски на англиски јазик и обратно, во кое се анализира колку студентите ги знаат и правилно ги користат колокациите поврзани со две конкретни области – економијата и политиката. Исто така, дадени се примери за различните видови грешки што ги прават студентите во своите толкувања и се анализира примерокот колокации, поконкретно се разгледуваат најчестите и најретките видови структури колокации присутни во примерокот. Најпосле, во трудот се заклучува дека околу 50 % од анализираните колокации се погрешно протолкувани од студентите, што ја истакнува значајноста од воведување на колокациите во наставните програми за толкување, оттука и при учењето јазици.