ЛЕКСИЧКИТЕ КОЛОКАЦИИ ВО ПРЕВОДИТЕ ОД МАКЕДОНСКИ НА АНГЛИСКИ ВО НОВИНАРСКИТЕ ТЕКСТОВИ

Апстракт

Колокациите имаат клучна улога во јазикот,бидејќи придонесуваат тој да звучи поприродно, попрецизно и поинтересно. Оттука, еден од главните при-оритети на преведувачите треба да биде точното и правилно пренесување на колокациите од јазикот извор во јазикот цел. Целта на ова истражување е да се одреди како се справуваат македонските преведувачи со преведувањето лексички колокации од македонски на англиски во новинарски текстови. Истражувањето беше во насока да одговори на следниве прашања: Дали лексичките колокации се преведуваат точно од македонски на англиски?Дали истите видови лексички колокации се среќаваат во двата јазика? Кои се најчесто и најретко користените лексички колокации во оригиналите и во преведените текстови? Кои преведувачки стратегии се употребуваат за пре-ведување на лексичките колокации? Резултатите од истражувањето покажу-ваат дека постои високо ново на свесност кај преведувачите при преведува-њето  на  лексичките  колокации.  Исто  така,  изненадува  фактот  дека  беа забележани повеќе сличности отколку разлики во внатрешната структура на лексичките колокации во јазикот извор и во јазикот цел, и дека и во двата јазика најчесто користени беа следниве колокации: придавка + именка и глагол + именка. Буквалниот превод беше најчесто користената стратегија за преведување, која резултираше со точен превод, најверојатно бидејќи сите анализирани колокации се употребуваат во доменот на политиката и се сре-ќаваат во повеќето светски јазици.