AНГЛИСКИТЕ ПРЕВОДНИ ЕКВИВАЛЕНТИ НА МАКЕДОНСКИОТ МОЖЕН НАЧИН СО ПРАГМАТИЧКА ФУНКЦИЈА

Апстракт

Во оваа статија се претставуваат резултатите од истражувањето на англиските преводни еквиваленти на би-конструкцијата во прагматичка функција. Би-конструкцијата функционира како експонент на можниот начин во македонскиот јазик за изразување хипотетичност и желбеност. За разлика од англискиот јазик, каде што овие значења се кодираат со модални глаголи, во македонскиот јазик би-конструкцијата се гради и од модални и од полнозначни глаголи. Надвор од условните реченици, формите на можниот начин може да вршат и определена прагматичка функција поврзана со учтивост и ублажување на исказот. Во истражувањето се испитува во која форма почесто се јавува можниот начин во оваа функција и дали типот на глаголот (ползоначен или модален) во би-конструкцијата има влијание врз изборот на преводниот еквивалент. Резултатите покажаа дека можниот начин почесто се јавува со модален глагол во својот состав кога врши определена прагматичка функција. Анализата ја потврди хипотезата дека во контексти во кои би-конструкцијата врши прагматичка функција најчест преводен еквивалент е англискиот модален глагол would. Исто така, се покажа дека македонските модални глаголи во би-конструкцијата условуваат употреба на одреден англиски модален глагол: така сака во можен начин се преведува со would, може со could, а треба со should.