ПОЛИТИКИ ЗА РЕИНТЕРПРЕТИРАЊЕ НА МИНАТОТО ВО ПОСТСОЦИЈАЛИСТИЧКА МАКЕДОНИЈА

Апстракт

По падот на социјалистичкиот политички систем и по осамостојување- то на Македонија настапи период во кој минатото беше ставено на преиспитување. Голем дел од културното наследство и од артефактите кои во претходниот систем на одреден начин биле фаворизирани, во новонастаната ситуација најчесто се за- поставуваа со образложение дека биле во функција на партијата и на едноумието. Актуелните плуралистички идеологии и политички центри на моќ започнаа меѓу- себна борба за контрола и за реинтерпретација на минатото, што директно или ин- директно влијаеше врз дефинирањето, односно рефединирањето на националниот идентитет.