АНТРОПОЛОШКИ ПОГЛЕД КОН АВТОБИОГРАФИЈАТА НА ДИМИТАР (МИТЕ) ПРСТЕНАРОВ (1913 г. – 1996 г.) ОД СЕЛО ВИШЕНИ, ЕГЕЈСКА МАКЕДОНИЈА

Апстракт

Овој труд има за цел да прикаже животна приказна на Македонец од егејскиот дел на Македонија преку обработка на неговата автобиографија, досега зачувана во форма на ракопис. Покрај животната приказна, се прави обид за контекстуализација на воено-политичките настани, општествените и идеолошките околности што се опишани од перспектива на авторот; се прави обид да се согледаат карактеристиките на јазикот и јазичните влијанија што се забележителни во ракописот, а се одраз на живеењето во неколку земји во Источна и Југоисточна Европа.